KHERAU

Euskal Folk Akustikoa

KHERAU

Accoustic Folk from Basque Lands

KHERAU

Folk Acústico desde Euskal Herria

KHERAU

Euskal Folk Akustikoa

KHERAU

Accoustic Folk from Basque Lands

KHERAU

Folk acoustique du Pays Basque

KHERAU

Acoustic Folk from Basque Lands

2021-12-20

Kherau: kontzertuak eta etorkizuna - Kherau: conciertos y futuro


Gaztelerako bertsioa beherago / Versión en castellano más abajo


Kherau: kontzertuak eta etorkizuna


Azken diskoa kaleratu zenetik,  prentsak edo jarraitzaileek galdetu didate noiz emango den beste kontzerturik. Eskerrik asko interesagatik, baina sentitzen dut, kontzertuak ez dira egongo. Duela sei hilabete, Kherauren bi taldekidek bat-batean utzi zutelako taldea eta beste biek ildo beretik jarraitu zutelako. Elkartu ginen azken aldian ez zen egon hitzezko edo beste motatako enfrentamendurik, isiltasuna baizik, eta horixe eskaini dute azken sei hilabetetan: ihesaldi bat, isiltasuna eta azpijokoak. Ez digute azalpenik eman ez niri ezta beste kaltetuei ere: ihes egin dute, soilik. Nire kontzientzia lasai dago, badakidalako ni ez naizela izan horren erantzule, eta are gehiago, disoluzioaren erabakian, eta kontzertuen eta bideokliparen bertan behera uztean, ez zidaten utzi parte hartu, kontrakoa nintzela bazekitelako.


Singlea atera eta bi astera, bideokliparen-ekoizlekin batzartu eta  hiru egunetara, eta diskoa kaleratzeko bi hilabete eskas falta zirenean, ihes egin zuten eta ELKAR-ekin geneukan kontratuaz paso egin dute. kontzertuak bertan behera utzi zituzten haien kabuz (Bruno gure teknikariari ere ez abisatzeraino), eta sahiestu dute horrela nik diskoaren inbertsioa errekuperatzea, edo urte askoko esfortzuaren ondorengo errekonozimendu minimoa izatea. Horrren ostean, taldeko kontuak eta sare sozialak erabili zituzten kontu propioetarako, horietako batzuk, lotsagarriak. Hori gauza askoren artean baina ez dut luzatu nahi.


Ziur nago, guztiz, nik ez diedala kalterik sortu edo txarto tratatu, kontrakoa baizik: zintzoa eta eskuzabala izan naiz haiekin hamaika urteotan. Aurreko guztia justifikatzeko, nik egindako oso-oso larria den zeozer ondorioz balitz (eta badakit eta badakite ez dagoela), suposatzen dut aurpegira esango zidatela, baina ez dira ausartu ezta idatziz ere esatera, aukera izan duten arren. Gainera, kaltetu gehiago daude, ez ni bakarrik. Bost axola izan zaie guztia. Bazeuden beste modu zintzoagoak, eta ez hain kaltegarriak, Kherau uzteko, baina aukeratu dute okerrena, une okerrenean: proiektua suntsitzea, lur errearen politika, “edo haiekin edo inorekin ez”. Hori dela eta, haiekin amaituta dago harremana, eta nik, sikiera, esan beharrekoak esan dizkiet.


Gaurko datan, promozioak eta disketxeak jada ez dute jasoko kalterik azalpen ohar honengatik, eta zilegia ikusten dut ematea: taldekide ohiei proposatu nien guztion artean oharra ematea eta adostea, Kherauren jarraitzailei zor zaien errespetua dela eta, eta modu berean paso egin dute. Niri aurpegia ematea gustatzen zait eta ez diot utziko emateari besteak ezkutatzen direlako. Horretaz gain, nire erreputazioa zikinduta agertu da hirugarren pertsonen aurrean: ez dut onartuko. Argi dago norbera den modukoa portatu dela.


Azken sei hilabeteetan, diskoaren kontratua bakarka asumitu behar izan dut eta jada diren taldekide-ohiei itzuli dizkiet haien inbertsio ekonomikoak (eta ixilik jarraitu izan dute). Nik sikiera zorrik ez daukat eta niretzat hori oso inportantea da. Era berean, sahiestezina zen diskoa kaleratzea, kolaboratzaileei konpentsatzea, eta aurpegia ematea prentsaren, lagunen eta jarraitzaileen aurrean. Bakarrik. Milaka euroko suizidio ekonomikoa bada ere (nire aurrezki guztiak), diskoa argitaratu behar zen, hiru arrazoigatik:


  1. Emandako hitza eta konpromisoak betetzen dira. Are gehiago bost pertsonen artean sinatutako kontratuak legezko ondorioekin.

  2. Gauzek balio dute horietan inbertizen den bizitza beste, eta disko honetan badoa nire bizitzaren zati handia. Sakrifizio itzela suposatu dit (moldaketa, hitz eta tresna guztien melodiak idatzi/konposatu ditut, triki baten melodia eta bi letra izan ezik, eta gainera produkzioa, argazkiak, diseinua, lyric bideoak… besteen inplikazio, konpromisorik, seriotasun eza dela eta, eta beste batzuen berekoikeria dela eta. Nik asko nuen jokoan. Beste batzuek? Ezer ez, eta horrek azaltzen ditu gauza asko. Nire betiko ametsa izan da musika talde bat non guztiek egingo zuten haien ekarpena sorkuntzan, baina osasuna utzi behar izan dut, literalki, diskoa ateratzeko eta proiektua bizirik  jarraitzeko eta haiek ez suntsitzeko, eta hala ere, ez dut lortu. 

  3. Kherau eta Kherauren abestiak zuentzat ziren. Eta hau amaiera bada, Kherauk eta zuek merezi duzue hau bezalako diskoa. Jarraitzaile leialenak izan zarete eta ni, behintzat, oso harro nago zuetaz eta disko honetaz: horregatik, argitaratu asko-asko kostatu arren, disko hau zuentzat da. Bihotz-bihotzez, abestiren bat zuen gustukoa bada, edo barrura ailegatzen bazaizue, merezi izan du guztiak.


Eskerrak eman nahi dizkiot ELKAR disketxeari bere babesa eta konfidantza mantentzearren, aurreko guztiak haiei kaltea eta harridura sortu arren. Eskerrik asko ere Bruno gure soinu teknikariari, bere laguntasunagatik eta eskaini zidalako ekonomikoki laguntzea.  Agur bat beste kaltetuei (Gaizka B., Aitor…) haien kezka nirekin partekatzearren, eta batez ere, besarkada handi bat lagunoi, maitasun adierazpenak nirekin partekatzeagatik: Alex, Isa… Eta batez ere, Unai Mimenzari, tipo zintzoa eta profesional itzela, beste “kaltetuena” izan delako, dena eman duelako ahaztuta izatera kondenatu duten disko honekin, non bere lana ere dagoen. Unai, eskerrik asko, bihotzez, eta niri dagokidanez, sentitzen dut, saiatu naiz, benetan, baina hain denbora laburrean ezin izan dut lortu.


Amaitzen dut: hamalau urtez Kherau izan da nire bizitzako proiektu handiena, ilusio eta sakrifizio handiekin, nire bizitzaren ametsa zen eta horri ekin diot. Hamalau urte besteek zakarrontzira botata, aste batean eta aukera minimoa izan dutenean. Oso indargabe sentitzen naiz. Eta zintzoa izango naiz: oraintxe bertan triste jarraitzen dut eta ezin izan dut kendu porrot eta frustrazio sentsazioa. Badakit gaindituko dudala eta, nahiz eta nire nahia den Kherau oholtzetara bueltatzea, formazio berriarekin eta benetako talde bat bezala, ez nago guztiz ziur hori posiblea izango denik, are gutxiago epe labur edo ertainean. Baina horrela balitz eta une hori ailegatu arte, besarkada bat guztioi.


Ibon Ordóñez


2021-12-18

Meatzarien balada Gailartako kaleetan



INSPIRARTE Euskal Literaturako ekimenak Kherauren "All Iron (Meatzarien balada)" kantaren esaldi bat idatzi du Gailartako Eusko Gudariak Plazan. 

“Odolaren krabelina,

kolpez kolperik egina.

Barreneroen mina.”

Ibon Ordoñez – Kherau

All Iron (Meatzarien Balada)

Ohore bat halako proiektu politaren partea izatearren, eskerrik asko!!



2021-12-03

Disko Berria Durangoko Azokan

Durangoko Azokan ELKAR standean topatuko duzue PHROLCK disko berria.

Hona hemen Susana Sancho idazleak egindako kritika:

"Udako festen giro alaia ekartzen digu Kherauk, sasoi ilun hauetarako alaigarri, Euskal Herriko edozein bazterretan, edonoren eskutik dantzan irudikatzeraino. Laino batean, bihotzaren zuloen aitorpen etsiak ere, ordu txikitan eta alkohola lagun, agian. Joko eta errima inozoen errepikak, aldarrika, edertasun idealak eta traizioak dakartza, baita gu geu izateko eskubide esentziala ere. Baina ezustean, lurraren oihu lazgarria entzuten da, animalien orro basatiekin batera, gure izaera gogotik aldarrikatze aldera"